हराएको एयर एसियाको जहाज समुद्रमा यस्तो अबस्थामा दुर्घटना भएको आशंका

इण्डोनेसियाका अधिकारीहरुले आइतबार देखि हराइरहेको एयर एसियाको QZ8501 विमान समुन्द्रको पिँदमा रहेको हुन सक्ने बताएका छन् । १६२ जना सवार उक्त विमान समुन्द्रको पिँदमा हुन सक्ने सम्भावना रहेको बताएपनि त्यसको पुष्टी हुन बाँकि रहेको उनीहरुको भनाइ छ ।विमान कहाँ गयो र के भयो भन्ने कुरा प्रष्ट नभएपनि विमाहराएको न समुन्द्रमा दुर्घटना भएको अनुमान अधिकारीहरुको छ।
विमान उडेको स्थान सुरावायाका अधिकारीहरुले जाभा समुन्द्रमा विमान खसेको अनुमान गरेका छन् । विमानको अवस्था थाहा नभएका कारण विमानमा रहेकाहरुका आफन्तहरु आक्रान्त भएका छन् ।

इण्डोनेसियाको सुरावायाबाट सिंगापुर जाँदै गरेको उक्त विमान उडेको केही छिनमा वेपत्ता भएको थियो । विमानका चालकले मौषम खराव रहेको जानकारी एक पटक दिएको भएपनि यसबाट आकस्मिक वा कुनै उद्दारका लागि आग्रह गरिएको थिएन ।यसअघि उद्धार तथा खोजी कार्य केही समयका लागि स्थगित गरिएको थियो । उद्धार तथा खोजी कार्यमा इण्डोनेसियाले विभिन्न तीनवटा विमानस्थलहरुबाट सैनिक जहाजहरु परिचालन गरेको छ ।

हराईरहेको विमानको खोजी तीन हजार पाँच सय माइल क्षेत्रमा गरिने अधिकारीहरुले बताएका छन् । सैनिक जहाजहरुले ६ देखि १२ घण्टासम्म उक्त क्षेत्रमा खोजी गर्ने र त्यसबाहेक विमान हराएको क्षेत्रदेखि उत्तरी र पूर्वी क्षेत्रमा पनि खोजी गर्नेछन्।अधिकारीहरुका अनुसार अहिले भने जाभा समुद्रको बेलिटुंग द्वीप क्षेत्रमा खोजी कार्य केन्द्रित गरिएको छ ।