सुनचादी महासंघद्वारा ६ बुँदे घोषणा पत्र जारी

सौराहा,फागुन,२–

 ६ बुँदे सौराहा घोषणा पत्र जारी गर्दै नेपाल सुनचादी व्यवसायी सहासंघको दोश्रो साधरण सभा तथा राष्ट्रिय सम्मेलन आज सकिएको छ । महासंघले सौराहामा पत्रकार सम्मेलन गरी राष्ट्रिय सम्मेलनले अख्तीयार गरेको नीति तथा कार्यक्रम सार्वजनिक गरेको हो । महासंघले जारी गरेको घोषणपत्रमा सुनचादी गरगहन उत्पाद तथा विक्री वितरणको लागि आचारसंहित बनाएर लागु गर्ने जनाईएको छ । महामसंघले स्वच्छ सुनचादी व्यवसायको अवधारणलाई अवलम्वन गर्दै सुनचादीको अवैध कारोवारलाई निरुत्साहित गर्ने प्रतिबद्धता समेत व्यक्त गरेको छ । त्यसैगरी अवैध पैठारीको प्रवेश नाकामा नियन्त्रण गर्न सरकारसंग माग गर्दै यसका लागि आवश्यक सहयोग र सहकार्य गरी अगाडि बढने घोषणा पत्रमा उल्लेख गरिएको छ । कमिसनको लोभमा परी व्यवसायीलाई सुनचादी र गरगहना एक ठाउँवाट अर्को ठाउँमा लैजादा धरपटकट नर्गन सरकारसंग माग गरिएको छ । सरकारले करको सवालमा कसिलो नीति बनाई व्यवसायीलाई अफ्ठ्यारोमा पारेकोले सरल नीति बनाएर व्यवसाय सञ्चालन गर्ने वातावरण सृजना गर्न महासंघले सरकारसंग आग्रह गरेको छ । साधरण सभा तथा राष्ट्रिय सम्मेलनले अख्तीयार गरेको नीति तथा कार्यक्रमलाई प्रभावकारी तरिकाले कायान्वयन गरी नेपालको सुनचादी व्यवसायलाई विश्वासनिय बनाईने महासंघका अध्यक्ष मणिरत्न शाक्यले बताउनुभयो । शुक्रवारवाट सुरु भएको दोश्रो साधरण सभा तथा राष्ट्रिय सम्मेलनको उपप्रधानमन्त्री प्रकासमान सिंहले उद्घाटन गर्नुभएको थियो । साधरण सभाको बन्दसत्रले आर्थिक,वार्षिक तथा भाविकार्ययोजना सवैसम्मतिले पारित समेत गरेको अध्यक्ष शाक्यले बताउनुभयो ।