ल्यारक्याल लामाद्वारा पद तथा गोपनियताको सपथ

फागुन ३– एमाओवादीबाट समानुपातिक सभासदमा निर्वाचित ल्यारक्याल लामाले आज पद तथा गोपनियताको सपथ लिनुभएको छ । आज सिंहदरबारमा संविधानसभा अध्यक्ष सुवासचन्द्र नेम्वाङले लामालाई पद तथा गोपनियताको सपथ खुवाउनुभयो ।  एमाओवादी सभासद् शम्भुहजारी पासवानको रिक्त पदमा एमाओवादीको गत २७ गते लामालाई सिफारिस गरेको थियो । हजारी समानुपातिक सभासदमा हुँदा लाभको पदमा रहेको भन्दै अदालतले पदमुक्त गरेपछि उहाँको पद रिक्त बनेको थियो । लामा विवादास्पद छवि भएको भन्दै पार्टीभित्र चर्कोे विवाद भएको थियो । लामा यसअघि एमालेबाट अर्थ राज्यन्त्री बन्नु भएको थियो ।