विपक्षी मोर्चाद्धारा प्रशासन कार्यालय घेराऊ

फागुन ३– संविधान निर्माण प्रक्रिया स्थगनको माग गरिहेको एमाओवादी नेतृत्वको ३० दलीय विपक्षी मोर्चाले देशभरका जिल्ला प्रशासन कार्यालय घेराउ गरेको छ । विपक्षी मोर्चाले सहमतिमा संविधान ल्याउनुपर्ने माग गर्दै जिल्ला प्रशासन घेराउ गरेको हो । काठमामाण्डु उपत्यका सहित देशभरीका कार्यालय घेराउ गरेको मोर्चाले जनाएको छ ।सत्तारुढ नेपाली काँग्रेस– नेकपा एमालेले जबरजस्ती संविधान ल्याउन खोजेको आरोप लगाउँदै विपक्षी आन्दोलनमा छन् । पहिलो चरणमा देशव्यापी सभा गरिरहेको विपक्षीले सत्तापक्षलाई थप दवाब दिन जिल्ला प्रशासन घरेका हुन् । संविधानसभामा प्रश्नावली समिति गठन गर्दै अंक गणितको खेलमा सत्तापक्ष लागेको भन्दै विपक्षी मोर्चा आन्दोलिन भएका हुन् ।